طبعاً مدام،
الشغل شرف، كوني مثلاً اعلى لسيدات لبنان، واشتغلي بما توصين به.
اكيد، على عهد زوجك، حسان دياب، اكيد أكيد رح تشتغل كوادر الجامعة كلها على محطات البنزين. بيكفي ما قاله البستاني بإنه سيوقف تمويل الجامعة اللبنانية، طبعاً داخلين من الباب الواسع كسلالة إقطاع. لأن مش الطالب وست البيت فقط رح يتعرضوا للذل والإهانة على عهد دولته.
كمان اساتذة الجامعة اللبنانية، وعلى عهد دولته فقط ناموا على الطريق امام وزارة التربية. طبعاً كل ذلك لا يهز ضمير دولته، ربما تحولنا إلى عبيد في مملكة نواب رؤوساء الجامعات الخاصة.
وإذا ما عندك المؤهلات بليز بلا التوك شو..
مدام ستات البيوت يشتغلوا بالتنضيفات، مننصحك تتبني قضية وطنية شريفة تدافعي عنها، كاسترداد الأموال المنهوبة او دعم الجامعة الوطنية.
نصيحة من شعب حريص على كرامة الست اللبنانية.
كرامتنا بإحقاق قضايانا وعدم هدر الحقوق.
شوفي قضية المواطنية، وصون الكرامات والحقوق، وفتشي عن دعم توظيف طلاب الجامعة بما يليق بمستقبلهم، لا بكيفية تطبيعهم على الذل.
نور عبيد .. “متعاقدة في الجامعة اللبنانية”
رصد فريق عمل موقع ميدان برس
