وفي التفاصيل أن فقيه علّق على بكاء داليدا وقال: “بكيت وهي بالطيارة الخاصة أو بس نزلوا على الأرض؟”، فجاء الرد سريعا من رامي فقال: “الأرض بتشبه أخلاقك.. بيندعس عليها!”.
فردّ فقيه مرة أخرى على عيّاش وقال: “اذا هيك صار مستوى الحديث يا عياش، لكن انت واخلاقك واغانيك وصرمايتي سوا، منيح هيك؟ من ايّام ما كذّبت عالناس انو معك سرطان لتبيع كم حفلة بالزايد وضحت قديش انت فنان خلوق وانساني”.
إلا أن هذه التغريدات النارية بين عياش وفقيه انتهت باعتذار من الطرفين وبصلح علنيّ وساد الهدوء والحكمة بينهما. إذ اعتذر فقيه من خلال تغريدة نشرها وقال: “تعليقي على صورة رامي وزوجته داليدا كان ضمن إطار تعليق ساخر وما كان المقصود منه أبداً الإساءة لها”.
وتابع: “للأسف في إعلاميين دخلوا على الخط وعم يجربوا يصطادوا بالماء العكر. أنا بكِن كل الاحترام لداليدا وكان لازم أنا ورامي ندرس ردّة فعلنا أكتر. في أشياء أهم نحكي فيها بالبلد، وجب التوضيح”.
بدوره، ردّ عياش على اعتذار فقيه ونشر مجموعة من التغريدات شرح فيها الموقف وقال: “اعتذارك على راسي ولو حكيت عني شخصيا وحياتك ما كنت رديت مش أصول نحن الرجال نحكي عن حرم وعرض بعض”.
وتابع: “بتغريدتك هيدي بحط أخلاقك عالرأس. ويا استاذ ناصر نحن لا رحنا سياحة ولا حطينا صور احتفالات ولا شط بحر.. نحن رحنا نفتح سلسلة مطاعم اسمها لبنان بكل فخر ونضمن مستقبل ولادنا إن كان بطيارة عامة أو خاصة مش هيدا المضمون”.
وختم كلامه: “كل خطوة بالأعمال لازم تتواكب بخبر للانتشار فقط لا غير. نحن أقل الناس ومش بحاجة للمكابرة. كل الاحترام لك ولعائلتك”.
