صادف يوم الأحد 12 نيسان ذكرى مرور خمس سنوات على رحيل الممثل عصام بريدي، فاستذكره شقيقه الإعلامي وسام بريدي في منشورٍ عبر حسابه الخاص بتطبيق الصور إنستغرام.
وبدأ وسام بريدي رسالته بما يعنيه هذا التاريخ بالقول “12 نيسان من خمس سنين، هالتاريخ أخد أغلى انسان بحياتي، رفيق درب ما افترقنا فيا من نحنا وصغار، شقفة من قلبي ومن روحي”.
وتابع وسام بريدي حديثه إلى الراحل عصام، فكتب “في كتير قصص يا ابو العيص ما عملناها بعد وكنا عم نخططلها سوى بس كل يوم من وقت يلي رحت وانت معي وما بتروح من قلبي وبالي. انت غبت عني بجسمك بس بعدني بحس فيك وبعيش معك كل يوم وطول ما رح كون موجود بهالدني رح تضلك مرافقني ورح يضل اسمك وذكرك معي”.
وختم وسام رسالته المؤثرة “بعرف ادي مبسوطة روحك لأنو هالاحساس ما بروح من قلبي وبحس فيك وبسعادتك ومش صدفة انو كل سنة عم نتذكرك بزمن القيامة اشتقتلك يا ملاكي. الى اللقاء. المسيح قام حقاً قام”.
المصدر: “فن”
